ABS-CBN, suportado ang Ploning!

KA-CHAT namin kahapon sa YM (Yahoo! Messenger) si Direk Dante Nico Garcia (direktor ng Ploning) na kasaluluyang nasa Singapore para sa Asian Festival of First Films.

Kalahok ang Plo*ning sa nasabing filmfest at nominado itong Best Film, Best Director at Best Screenplay.

Hindi na makakadalo si Direk Ga (palayaw ni Direk Dante) sa awards night sa Singapore sa Dis*yembre 10 dahil after ng screening ng Ploning sa Disyembre 9 ay lilipad na siya pa-Los Angeles para sa gagawin nilang Oscar campaign sa Amerika.

Kinumusta namin kay Direk Ga ang katatapos na Plato Para Kay Ploning fundraiser na inorganisa nila ni Judy Ann Santos. Ayon kay Ga ay bongga ang turnout ng nasabing charity dinner.

Umaasa silang aabot sa P2M ang kikitain sa dinner plates at auction ng art pieces at mukhang nasa ganu’ng halaga ang kanilang malilikom.

Kinukwenta pa raw ito ngayon dahil ang ibang income ay manggagaling sa sales ng ABS-CBN, tapos ay may percentage din ang mga nag-donate na artist kaya wala pang final breakdown.

In fairness sa ABS-CBN, bukod sa binigay nitong libreng venue (Rockwell Tent), lahat ng kinita sa social ball ay diretso sa Ploning funds.

Kikita lang daw ang Dos sa sales ng commercial spots sa airing ng nasabing event (na wala pang final date kung kelan ipapa*labas).

Ang ganda rin daw ng show nu’ng gabing ‘yon, sabi ni Direk Ga. Kasama sa mga nag-perform sina Martin Nievera, Ogie Alcasid, Sa*rah Geronimo, Richard Poon, Aiza Seguerra, Nina, Sitti, PDA Season 2 Scholars at Arnel Pineda ng Journey.

Source: http://www.pinoyexchange.com/forums/showthread.php?s=bcf84747fa72c7945aea7a3fde1a6aea&t=374804